MALAKA OSHIRISH — XAVFSIZ VA SAMARALI ISHLAB CHIQARISH KAFOLATI

Asosiy > Yangiliklar > MALAKA OSHIRISH — XAVFSIZ VA SAMARALI ISHLAB CHIQARISH KAFOLATI

MALAKA OSHIRISH — XAVFSIZ VA SAMARALI ISHLAB CHIQARISH KAFOLATI

Korxona xodimlarining malakasini oshirish ishlab chiqarish samaradorligini ta’minlash, xavfsizlikni kuchaytirish va zamonaviy texnologiyalarga moslashishda muhim ahamiyatga ega. Soha vakillarining bilim hamda ko‘nikmalarini doimiy ravishda yangilab borish zamon talabi hisoblanadi.

Jamiyatning o‘quv markazida 23-fevraldan boshlanib, 6-martgacha davom etadigan apparatchi va mashinistlarning malakasini oshirish kursi mutaxassislarga yangi texnologiyalar, avtomatlashtirilgan boshqaruv tizimlari bilan tanishish, mehnat muhofazasi qoidalari hamda texnika xavfsizligi talablarini chuqur o‘rganish imkonini beradi. Bu esa ish jarayonidagi xatolarni kamaytiradi, avariya, nosozliklarning oldini oladi.

Shuningdek, malaka oshirish xodimlarning kasbiy o‘sishiga xizmat qiladi. Yangi bilim va ko‘nikmalarga ega bo‘lgan mutaxassis o‘z ishiga mas’uliyat bilan yondashadi, mehnat unumdorligi ortadi, korxonaning raqobatbardoshligi mustahkamlanadi.