MANFAATLAR TO‘QNASHUVI — BARQARORLIKKA TAHDID

Asosiy > Yangiliklar > MANFAATLAR TO‘QNASHUVI — BARQARORLIKKA TAHDID

MANFAATLAR TO‘QNASHUVI — BARQARORLIKKA TAHDID

Manfaatlar to‘qnashuvi moliyaviy yo‘qotishlarga sabab bo‘lib, har qanday jamoadagi ma’naviy muhitga salbiy ta’sir etishi mumkin. Shuningdek, ijtimoiy tenglikning buzilishi, adolatsizlik, qonunbuzarlikka olib keladi. Korxonada haqiqiy va ehtimoliy manfaatlar to‘qnashuvining oldini olish maqsadida xodimlar tomonidan to‘ldirilgan deklaratsiya asosida muloqot tashkil etilib, mavzu yuzasidan tushuntirish ishlari olib borildi.

Jamiyat mutasaddilari ishtirok etgan uchrashuvda bu yo‘nalishda qabul qilingan qonun va qarorlarning mazmun-mohiyati xususida so‘z yuritildi.

Jamiyatning ishlab chiqarish majmualari hamda sexlarida haqiqiy va ehtimoliy manfaatlar to‘qnashuvi yuzaga kelganda qanday tartibda qaror qabul qilinishi bo‘yicha ma’lumot berildi. Mehnat kodeksi, korxonaning amaldagi ichki tartibi, odob-axloq qoidalariga rioya etish lozimligi ta’kidlandi.

Tadbir ishtirokchilari o‘zlarini qiziqtirgan savollar bilan murojaat etib, mas’ullardan atroflicha javob oldilar.