MEHNAT MUHOFAZASI — USTUVOR VAZIFA

Asosiy > Yangiliklar > MEHNAT MUHOFAZASI — USTUVOR VAZIFA

MEHNAT MUHOFAZASI — USTUVOR VAZIFA

Jamiyatning 36-sexida ish jarayonida mehnat muhofazasiga rioya etish, xavfsizlik qoidalariga amal qilishga qaratilgan uchrashuv tashkil etildi. Unda temir yo‘l orqali transport xizmatini ko‘rsatayotgan mutaxassislarning xushyorligini oshirish, mehnat faoliyatida rioya qilishi lozim bo‘lgan talablarni bilish dolzarbligi ta’kidlandi.

Har bir xodimning ish boshlashdan avval maxsus kiyim, shaxsiy himoya vositalarida bo‘lishi, zimmasidagi vazifalarni bajarish chog‘ida foydalaniladigan ish qurollarining sozligi, munosib mehnat sharoitlarning mavjudligiga sinchkovlik bilan e’tibor qaratishi muhimligi qayd etildi. Jamiyatda baxtsiz hodisalarning oldini olish, xodimlar salomatligi hamda hayoti muhofazasi yo‘nalishida olib borilayotgan ishlar,ularning samaradorligi va bu borada barcha xodimlarning faol ishtiroki zarurligiga alohida urg‘u berildi.

Shuningdek, uchrashuv davomida mavzuga oid murojaatlar tinglanib, mas’ullar tomonidan xodimlarning savollariga javob berildi.