MULOQOT MUROJAATLARNI IJOBIY HAL ETISHGA XIZMAT QILADI

Asosiy > Yangiliklar > MULOQOT MUROJAATLARNI IJOBIY HAL ETISHGA XIZMAT QILADI

MULOQOT MUROJAATLARNI IJOBIY HAL ETISHGA XIZMAT QILADI

Korxonaning 910-sexi xodimlari bilan jamiyat boshqaruvi raisi Farrux Samadov hamda mutasaddilar ishtirokida sayyor qabul tashkil etildi. Muloqotda murojaatlar tinglandi.

Mehnat qonunchiligi, korxonaning ichki tartib-qoidalari, munosib mehnat sharoiti, mutaxassislar uchun teng imkoniyat yaratish, toifani oshirish, moddiy manfaatdorlik, malaka sinovini oʻtkazishga taalluqli masalalar joyida oʻrganildi.

Sayyor qabul davomida xodimlarga mehnat huquqlari, mavjud imkoniyatlardan foydalanish tartibi hamda murojaatlarni ko‘rib chiqish mexanizmlari yuzasidan zarur tushuntirishlar berildi.

Murojaatlarning har biri bo‘yicha mas’ullarga tegishli topshiriqlar berilib, ularni amaldagi tartib va qonunchilik talablari asosida hal etish choralarini ko‘rish belgilandi.

Bunday ochiq muloqotlar xodimlarning muammolarini bevosita joyida o‘rganish, ularning qonuniy manfaatlarini himoya qilish hamda mehnat jamoasida sog‘lom va o‘zaro ishonchga asoslangan muhitni mustahkamlashga xizmat qiladi.