MUTAXASSISLARNING SIYОSIY, HUQUQIY BILIMI OSHIRILMOQDA

Asosiy > Yangiliklar > MUTAXASSISLARNING SIYОSIY, HUQUQIY BILIMI OSHIRILMOQDA

MUTAXASSISLARNING SIYОSIY, HUQUQIY BILIMI OSHIRILMOQDA

Korxonada mehnat qilayotgan muhandis-texnik xodimlarning nafaqat sohasi bo‘yicha ko‘nikmalarini mustahkamlash, balki ularning qonunchilikka oid bilimini oshirish ham muhim vazifa. Ayniqsa, korrupsiyaga qarshi kurashishga qaratilgan qonun va qarorlar haqidagi xabardorlik huquqbuzarlik, jinoyatchilikning oldini olishga xizmat qiladi.

Jamiyatda tashkil etilayotgan o‘quvlarda korrupsiyaga qarshi menejment tizimi pora olish, pora berish, korrupsiya bilan bog‘liq boshqa xavflarning oldini olish, aniqlash va ularga nisbatan chora ko‘rish uchun joriy etilgan tartib-taomillar, nazorat mexanizmlari va mutaxassislarning bu boradagi mas’uliyati haqida ma’lumot berilmoqda.

Shuningdek, “O‘zbekiston Respublikasining ayrim qonun hujjatlariga korrupsiyaga qarshi kurashish samaradorligini oshirishga, korrupsiyaga oid jinoyatlar uchun javobgarlik muqarrarligini ta’minlashga qaratilgan qo‘shimcha va o‘zgartirishlar kiritish to‘g‘risida”gi qonun mazmun-mohiyati bo‘yicha tushuntirish ishlari olib borilyapti.