“NAVOIYAZOT” AJGA SERTIFIKAT TOPSHIRILDI

Asosiy > Yangiliklar > “NAVOIYAZOT” AJGA SERTIFIKAT TOPSHIRILDI

“NAVOIYAZOT” AJGA SERTIFIKAT TOPSHIRILDI

Korxonada korrupsion xavflarni kamaytirish boshqaruv samaradorligini oshirish hamda barqaror rivojlanishga erishishda muhim ahamiyat kasb etadi. Bugungi kunda jamiyat faoliyatida ochiqlik va shaffoflikning ta’minlanayotgani, poraxo‘rlik bilan bog‘liq qonunbuzarliklarning oldini olishga yo‘naltirilgan chora-tadbirlar ijrosi o‘zining ijobiy samarasini bermoqda.

“Navoiyazot” AJ tomonidan olib borilayotgan poraxo‘rlikka qarshi kurashishga qaratilgan ishlarning O‘z DSt ISO 37001:2019/ISO 37001:2016 standartlari talabiga muvofiqligi e’tirof etilib, sertifikat topshirildi.

Bu esa korxonada korrupsiyaga qarshi samarali boshqaruv tizimi joriy etilgani, barcha jarayonlarda shaffoflik va halollik tamoyillari ta’minlanayotganini tasdiqlaydi. Shuningdek, bu yutuq jamiyatning xalqaro talablarga mos ravishda faoliyat yuritayotganini ko‘rsatadi. Ushbu standartlarga muvofiqlik nafaqat ichki, balki xalqaro bozordagi nufuzni oshirishga xizmat qiladi. Bu esa o‘z navbatida, xorijiy investorlar ishonchini mustahkamlash va yangi hamkorlik aloqalarini kengaytirish imkonini yaratadi.