“Navoiyazot” AJ boshqaruv organi o‘z aksiyadorlariga aksiyadorlarning yillik umumiy yig‘ilishini 2025-yil 17-iyul kuni soat 10:00 da Toshkent shahri, Shayxontohur tumani, Navoiy ko‘chasi, 38-uy, “O‘zkimyosanoat” AJ ma’muriy binosida quyidagi kun tartibi bilan o‘tkazilishini ma’lum qiladi:

1. Yig‘ilish kotibini saylash
2. Aksiyadorlarning yillik umumiy yig‘ilish reglamentini tasdiqlash.
3. Aksiyadorlarning yillik umumiy yig‘ilishi sanoq komissiyasi a’zolari soni va shaxsiy tarkibini tasdiqlash.
4. “Navoiyazot” AJning “Navoiyazot” AJ boshqaruv organining moliyaviy-xo‘jalik faoliyatining asosiy natijalari, 2024-yil yakuni bo‘yicha jamiyat biznes-rejasining asosiy ko‘rsatkichlari bajarilishi to‘g‘risidagi hisobotini tasdiqlash.
5. “Navoiyazot” AJda 2024-yil yakuni bo‘yicha korporativ boshqaruv tizimini baholash natijalari.
6. “Navoiyazot” AJning 2024-yil yakuni bo‘yicha olingan sof foyda taqsimlanishi, dividendlar miqdori hamda to‘lash tartibini tasdiqlash.
7. “Navoiyazot” AJ qo‘shimcha aksiyalar chiqarish to‘g‘risida qaror qabul qilish.
8. “Navoiyazot” AJning 2025-yilga mo‘ljallangan biznes-rejasini tasdiqlash.
9. Jamiyat boshqaruv a’zolarining mehnat shartnomasi muddatini uzaytirish.
10. “Navoiyazot” AJning yangi tahrirdagi tashkiliy tuzilmasini tasdiqlash.

Umumiy yig‘ilish qatnashchilarini ro‘yxatga olish 2025-yil 17-iyul kuni soat 9:00 dan 10:00 gacha davom etadi. Umumiy yig‘ilishda qatnashish huquqiga ega aksiyadorlar ro‘yxati 2025-yil 19-iyun holatiga shakllantirilgan aksiyadorlar reestriga asosan tuziladi.

Umumiy yig‘ilishda qatnashish uchun aksiyadorlar o‘zi bilan pasport, aksiyadorlar vakillari esa - O‘zbekiston Respublikasi qonunchiligi talablariga muvofiq rasmiylashtirilgan ishonchnoma bilan kelishlari so‘raladi.

Umumiy yig‘ilishni o‘tkazishga tayyorgarlik ko‘rilayotganda aksiyadorlarga taqdim etilishi lozim bo‘lgan axborot(material)lar bilan tanishish uchun quyidagi manzil va telefon raqamlariga murojaat qilishingiz mumkin: Navoiy shahri, Navoiy-5, (+99879) 229-27-24  

“Navoiyazot” AJ Kuzatuv kengashi