“NAVOIYAZOT”AJ KASABA UYUSHMA TASHKILOTINING HISOBOT SAYLOV KONFERENSIYASI O‘TKAZILDI

Asosiy > Yangiliklar > “NAVOIYAZOT”AJ KASABA UYUSHMA TASHKILOTINING HISOBOT SAYLOV KONFERENSIYASI O‘TKAZILDI

“NAVOIYAZOT”AJ KASABA UYUSHMA TASHKILOTINING HISOBOT SAYLOV KONFERENSIYASI O‘TKAZILDI

“Navoiyazot”AJ kasaba uyushma tashkilotining hisobot saylov konferensiyasida korxona kasaba uyushma qo‘mitasi raisi Feruza Fayziyevaning 2020-2025-yillarda jamiyat xodimlarini har tomonlama qo‘llab-quvvatlash bo‘yicha amalga oshirilgan ishlarga qaratilgan hisoboti tinglandi.

Qayd etilganidek, bugungi kunda korxona 8500 nafarga yaqin kasaba uyushma a’zolariga ega. So‘nggi 5 yilda xodimlarning maishiy sharoitini yaxshilashga 4 mlrd. so‘m ajratilib, ijtimoiy himoyaga muhtojlarga moddiy yordam ko‘rsatishga 1,9 mlrd. so‘m yo‘naltirildi. 5947 nafar kimyogarlarni korxonaga qarashli profilaktoriyda sog‘lomlashtirishga 18,7 mlrd. so‘m, 847 nafar xodimning respublika sanatoriylarida dam olishlari uchun 2,6 mlrd. so‘m mablag‘ sarflandi. Ommaviy madaniy tadbirlarga ajratilgan mablag‘ miqdori 14,1 mlrd. so‘mni tashkil etdi.

Korxona kasaba uyushma tashkiloti taftish komissiyasining faoliyati ham delegatlar tomonidan qoniqarli deya baholandi. Hisobotlar bo‘yicha xodimlarning fikr-mulohazalari tinglandi, muzokaralar olib borilib, qaror qabul qilindi.

Shuningdek konferensiya ishtirokchilari yangi jamoa shartnomasiga kiritilayotgan o‘zgartirish va takliflardan xabardor etildi.