Ushbu taqdimot ESG prinsiplari va global hisobot tashabbusi standartlariga muvofiq tayyorlangan bo‘lib, jamiyatning tabiiy resurslarni uzoq muddatli saqlash, ijtimoiy mas’uliyat va korporativ boshqaruv prinsiplariga rioya qilishga bo‘lgan sadoqatini namoyon etadi.

7 bobdan iborat hisobotda korxonaning ekologik, iqtisodiy va ijtimoiy jihatdan ustuvor rivojlanishga qaratilgan asosiy natijalari yoritilgan bo‘lib, jamiyat faoliyat ko‘rsatadigan mintaqadagi ijtimoiy-iqtisodiy jihatlar qamrab olingan.

Energiya manbalaridan samarali foydalanish, chiqindilarni kamaytirish, xodimlar uchun xavfsiz va munosib mehnat sharoitlarini yaratish borasidagi islohotlarga alohida e’tibor qaratilgan.

Bundan tashqari, hisobot korxonaning mahalliy hamda xorijiy hamkorlar bilan aloqasi haqidagi ma’lumotlarni ham o‘z ichiga oladi.

Hozirda 2024-yil uchun ustuvor rivojlanish hisobotini tayyorlash borasida ish olib borilmoqda. Bu o‘z navbatida korxona faoliyatining ochiqligi va shaffofligini ta’minlash barobarida, ESG reytingini qo‘lga kiritish orqali “Navoiyazot”AJning kelgusidagi taraqqiyotini kafolatlashda muhim qadam bo‘ladi. 

Korxonaning 2023-yil uchun barqaror rivojlanish hisoboti bilan quyidagi havola orqali batafsil tanishishingiz mumkin: 
https://www.navoiyazot.uz/uz/menu-331/esg-hisoboti