NAZARIYA VA AMALIYOT UYG‘UNLIGI O‘QITISH SIFATI GAROVI

Asosiy > Yangiliklar > NAZARIYA VA AMALIYOT UYG‘UNLIGI O‘QITISH SIFATI GAROVI

NAZARIYA VA AMALIYOT UYG‘UNLIGI O‘QITISH SIFATI GAROVI

Korxonaning o‘quv markazida nazorat o‘lchov asboblari va avtomatlashtirish bo‘yicha nazariy bilimga ega bo‘lgan 28 nafar mutaxassislar sexlarda amaliyot o‘tashmoqda. Jarayon soha vakillarining ishlab chiqarish jarayonlarida uchraydigan turli texnik holatlarni tahlil qilish, nosozliklarni tezkor aniqlash va bartaraf etish bo‘yicha amaliy tajribasini boyitishga xizmat qilmoqda. Shu bilan birga, ular texnologiyaning uzluksiz va xavfsiz ishlashini ta’minlashda nazorat-o‘lchov asboblari hamda avtomatlashtirish tizimlarining ahamiyatiga oid yangi ma’lumotlarga ega bo‘lishyapti.

Bunday amaliyot ishlab chiqarish va ta’lim o‘rtasidagi uzviy bog‘liqlikni mustahkamlab, nazariy bilimlarni real ish sharoitida qo‘llash ko‘nikmasini shakllantiradi. Natijada yuqori malakali, zamonaviy texnologiyalar bilan ishlashga tayyor, mehnat muhofazasi va sanoat xavfsizligi talablariga qat’iy rioya qiladigan mutaxassislar tayyorlanadi.Bu esa korxonaning ishlab chiqarish barqarorligi, mahsulot sifati va raqobatbardoshligini yanada yaxshilashda muhim ahamiyat kasb etadi.