NOMZODLAR SUHBATDAN O‘TKAZILMOQDA

Asosiy > Yangiliklar > NOMZODLAR SUHBATDAN O‘TKAZILMOQDA

NOMZODLAR SUHBATDAN O‘TKAZILMOQDA

Jamiyatning 120-qurilish-ta’mirlash sexida mavjud bo‘sh ish o‘rinlarini malakali xodimlar bilan to‘ldirish maqsadida e’lon qilingan tanlov bo‘yicha hujjat topshirgan mutaxassislar suhbatdan o‘tkazilmoqda. Jarayonda nomzodlarning ish tajribasi, sohaga oid tayyorgarlik darajasi hamda amaliy faoliyatda zarur bo‘ladigan kompetensiyalari baholanyapti.

Suhbat davomida nomzodlarga mutaxassislik yo‘nalishi, ishlab chiqarish jarayonlari, mehnatni muhofaza qilish va texnika xavfsizligi talablari bo‘yicha savollar berilib, ularning mavjud bilimlarini amaliy vaziyatlarda qo‘llay olish qobiliyatiga ham e’tibor qaratilmoqda.

Shuningdek, tanlov ishtirokchilarining avvalgi mehnat faoliyati, kasbiy tajribasi va tegishli yo‘nalishda orttirgan ko‘nikmalari o‘rganilmoqda. Nomzodlarning lavozimga qo‘yiladigan talablar asosida saralab olinishi orqali sexning malakali kadrlar bilan ta’minlanganlik darajasini oshirish ko‘zda tutilgan. Saralash yakunlari bo‘yicha belgilangan talablarga javob beradigan hamda kasbiy salohiyati yuqori baholangan nomzodlar tegishli bo‘sh ish o‘rinlariga ishga qabul qilinadi.