Previous Next

   Toshkent kimyo texnologiya instituti vakillari “Navoiyazot” AJda bo‘lishdi. Korxonaning mas’ul xodimlari ishtirok etgan uchrashuvda oliy o‘quv yurti haqida batafsil ma’lumot berildi. Ilm-fan, kadrlar tayyorlash va innovatsion loyihalarni amalga oshirish borasidagi ishlar xususida so‘z yuritildi. Infratuzilma, natija, sanoat korxonalari bilan hamkorlik samaradorligi uchrashuv ishtirokchilarining diqqati markazida bo‘ldi. Shuningdek,  dual ta’lim, dual magistratura, sanoat doktoranturasi, korxona mutaxassislari bilan hamkorlikda qoʻshma tadqiqotlar olib borish, mustaqil izlanuvchilik uchun yaratilgan imkoniyatlar alohida e'tirof etildi.
 
   Uchrashuv davomida tomonlar o‘rtasida o‘zaro manfaatli hamkorlikni yanada rivojlantirish, ta’lim jarayoniga ishlab chiqarish tajribasini keng joriy etish hamda talabalar va yosh olimlarning amaliy ko‘nikmalarini oshirish masalalariga e’tibor qaratildi. Shu bilan birga, kimyo sanoati oldida turgan dolzarb vazifalar yechimiga yo‘naltirilgan ilmiy tadqiqotlarni rivojlantirish, ishlab chiqarish jarayonlariga zamonaviy texnologiyalarni tatbiq etish, resurs va energiya tejamkorligini oshirish hamda innovatsion ishlanmalar yuzasidan fikr almashildi.