RASMIY BAYОNOT

Avval xabar berganimizdek, 11-mart kuni soat 14:10da korxona hududidagi sexlararo quvurdan texnologik gaz sizib chiqishi oqibatida, 25-sonli azot kislotasi ishlab chiqarish sexi laboratoriyasida gaz-havo aralashmasi hosil bo‘lgan va uning chaqnashi natijasida yong‘in yuzaga kelgan.

Natijada bir nafar xodim voqea joyida vafot etdi. “Navoiyazot”AJ jamoasi ushbu baxtsiz hodisa tufayli hayotdan bevaqt ko‘z yumgan mutaxassisning yaqinlari va oila a’zolariga hamdardlik bildiradi.

Bugungi kunda Navoiy shahridagi shifo maskanida davolanayotgan 11 nafar turli darajadagi tan jarohatini olgan xodimlarga malakali tibbiy xizmat ko‘rsatilmoqda va ular tajribali shifokorlar nazorati ostida.

Yuz bergan holat yuzasidan surishtiruv ishlari davom etmoqda.

12.03.2025 y.