STOL TENNISI BO‘YICHA BAHSLARGA KIRISHILDI

Asosiy > Yangiliklar > STOL TENNISI BO‘YICHA BAHSLARGA KIRISHILDI

STOL TENNISI BO‘YICHA BAHSLARGA KIRISHILDI

Korxona xodimlari o‘rtasida sportning stol tennisi turi bo‘yicha musobaqalar boshlandi. Yakka bahslarda diqqatni jamlash, tezkorlik, chaqqonlik va raqib imkoniyatlarini to‘g‘ri chamalay olish ko‘nikmalari sinovdan o‘tkaziladi.

Musobaqalar qizg‘in va murosasiz bahslarga boy tarzda o‘tmoqda. Har bir uchrashuvda xodimlar o‘z mahorati va jismoniy tayyorgarlikni namoyon etmoqdalar. Stol tennisi musobaqalari jamoada sog‘lom turmush tarzini targ‘ib qilish, o‘zaro hamjihatlikni mustahkamlash hamda xodimlarning bo‘sh vaqtlarini mazmunli tashkil etishga xizmat qiladi. Bellashuv yakunida g‘olib va sovrindorlar munosib taqdirlanadi.