SUN’IY INTELLEKT ORQALI NAZORAT QILADIGAN TIZIM O‘RNATILMOQDA

Asosiy > Yangiliklar > SUN’IY INTELLEKT ORQALI NAZORAT QILADIGAN TIZIM O‘RNATILMOQDA

SUN’IY INTELLEKT ORQALI NAZORAT QILADIGAN TIZIM O‘RNATILMOQDA

Korxonada mehnat muhofazasi, texnika xavfsizligi qoidalariga qat’iy rioya qilinishini ta’minlash, xodimlarning mas’uliyatini yanada oshirish maqsadida nazorat chora-tadbirlari kuchaytirilmoqda.

Jamiyat hududidagi kuzatuv kameralariga sun’iy intellekt orqali nazorat qiladigan maxsus tizim o‘rnatildi. Endilikda xodimlarning harakatlanishi, faoliyat yuritishi jarayonida shaxsiy himoya vositalarida bo‘lishi, texnika xavfsizligi bo‘yicha belgilangan tartibga rioya qilishi yoki qoidalarni buzish holatlari real vaqt rejimida kuzatilib, avtomatik ravishda aniqlanadi va mas’ul xodimlarga tezkor xabar yuboriladi.

Bugungi kunda sinov tajriba tariqasida nazorat tadbirlarini amalga oshirish yo‘lga qo‘yildi. Bunday zamonaviy texnologiyalarni joriy etishdan ko‘zlangan maqsad jamiyat hududida tartib-intizomni yanada mustahkamlab, xodimlar xushyorligini oshirish va ular xavfsizligini ta’minlashdan iborat.