TA’LIMGA E’TIBOR — KELAJAKKA E’TIBOR

Asosiy > Yangiliklar > TA’LIMGA E’TIBOR — KELAJAKKA E’TIBOR

TA’LIMGA E’TIBOR — KELAJAKKA E’TIBOR

Maktabgacha ta’lim sifati va samaradorligi tarbiya maskanlarining moddiy-texnik bazasi, zarur jihoz, tarbiyachi va bolalar uchun qulay sharoitlarning mavjudligiga bog‘liq. “Navoiyazot” AJ homiyligi asosida bir qator ta’lim dargohlari zamonaviy ko‘rinishga keltirilmoqda.

Hozirda korxona tomonidan Navoiy shahridagi 13-sonli davlat maktabgacha ta’lim tashkilotida mukammal ta’mirlash ishlari davom etmoqda. Jarayon nihoyasiga yetishi bilan hududda istiqomat qiluvchi maktabgacha ta’lim yoshidagi bolalarning shinam, barcha imkoniyatlari mavjud bo‘lgan maskanda ta’lim-tarbiya olishi ta’minlanadi.

Bugun viloyat hokimi Normat Tursunov boshchiligidagi mutasaddilar qurilish obyektini ko‘zdan kechirishdi. Bunyodkorlik ishlarining borishi, sifatiga e’tibor qaratildi.