TANLOVNING KORXONA BOSQICHI YAKUNLANDI

Asosiy > Yangiliklar > TANLOVNING KORXONA BOSQICHI YAKUNLANDI

TANLOVNING KORXONA BOSQICHI YAKUNLANDI

Kimyo va farmatsevtika sanoati xodimlari respublika Kengashi tasarrufidagi korxona hamda tashkilotlarda faoliyat yuritayotgan mutaxassislar ishtirokida o‘tkazilib kelinayotgan "Yilning eng faol yosh kimyogari" tanlovining korxona bosqichi nihoyasiga yetdi.

Yoshlarni qo‘llab-quvvatlash, ular orasida sog‘lom raqobat muhitini shakllantirish, ilmiy izlanishlari uchun imkoniyat yaratish maqsadida tashkil etilgan tanlovda jamiyatning izlanuvchan 35 yoshgacha bo‘lgan xodimlari ishtirok etdilar.

Yakuniy natijalarga ko‘ra, 3-o‘rinni 918-sex vakili Abror Aslonov hamda 701-sex sharafini himoya qilgan Zevara Qambarovalar egallashdi.

2-o‘rin 918-sex mutaxassisi Azizbek Olimovga nasib etdi.

Faxrli 1-o‘ringa munosib topilgan 33-sex xodimi Sayyora Qosimova tanlovning respublika bosqichida korxona sharafini munosib himoya qilish imkonini qo‘lga kiritdi.

Ishtirokchilar jamiyat kasaba uyushma qo‘mitasi tomonidan taqdirlandilar.