TIBBIYOT XODIMLARINING SHOSHILINCH VAZIYATLARDAGI KASBIY TAYYORGARLIGI SINOVDAN O‘TKAZILDI

Asosiy > Yangiliklar > TIBBIYOT XODIMLARINING SHOSHILINCH VAZIYATLARDAGI KASBIY TAYYORGARLIGI SINOVDAN O‘TKAZILDI

TIBBIYOT XODIMLARINING SHOSHILINCH VAZIYATLARDAGI KASBIY TAYYORGARLIGI SINOVDAN O‘TKAZILDI

Tibbiy sanitariya qismi mutaxassislarining shoshilinch vaziyatlardagi kasbiy tayyorgarligi amaliy o‘quv mashg‘ulotida sinovdan o‘tkazildi. Shifokor va o‘rta tibbiyot xodimlarining ekstremal sharoitda tez, to‘g‘ri harakatlanishi inson salomatligi hamda hayoti muhofazasida muhim o‘ringa ega.Tadbirdan ko‘zlangan asosiy maqsad mutaxassislarning favqulodda holatlarda tezkor va samarali choralar ko‘rish ko‘nikmalarini mustahkamlashdan iborat bo‘ldi. Mashg‘ulot davomida ishtirokchilarga turli xil shartli vaziyatlar taqdim etildi va ularning harakati baholandi.

Tibbiy sanitariya qismi xodimlari birinchi tibbiy yordamni ko‘rsatish, sanitariya-gigiyena qoidalariga rioya qilish hamda o‘g‘ir asoratlarning oldini olish bo‘yicha o‘z bilim va mahoratlarini namoyish etishdi. Shuningdek, jamoaviy ishlash, tez qaror qabul qilish va mas’uliyatni his etish kabi muhim jihatlarga alohida e’tibor qaratildi.