XOTIN-QIZLAR TANLOVDA BELLASHISHDI

Asosiy > Yangiliklar > XOTIN-QIZLAR TANLOVDA BELLASHISHDI

XOTIN-QIZLAR TANLOVDA BELLASHISHDI

Xalqaro xotin-qizlar kuni munosabati bilan jamiyatning ishlab chiqarish majmualari va sexlarida bayram tadbirlari hamda tanlovlar boshlandi. Korxonaning 201-sexida faoliyat yuritayotgan 5 nafar kimyogar ayollar ishtirokidagi bellashuv soha vakillarining iqtidor, qobiliyatini yuzaga chiqarishga xizmat qildi.

San’atga muhabbat, aktyorlik mahorati, onalik mas’uliyatini ko‘rsata olish, chaqqonlik sinoviga aylangan tanlovning har bir sharti qiziqarli, ishtirokchilarning o‘ziga xos chiqishlari bilan olqishga sazovor bo‘ldi. Qatnashchilarning barchasi ham ishda, ham oilada o‘z o‘rniga ega. Hakamlar hay’ati a’zolarining yakuniy xulosasi qanday bo‘lishidan qat’iy nazar, jamiyatda o‘z o‘rni, fikri, mas’uliyatiga ega, qalbi хotirjam, kasbini sevadigan har bir mutaxassis g‘olibdir.