YASHIL HUDUDLAR KENGAYTIRILMOQDA

Asosiy > Yangiliklar > YASHIL HUDUDLAR KENGAYTIRILMOQDA

YASHIL HUDUDLAR KENGAYTIRILMOQDA

🟢“Navoiyazot” AJ tomonidan nafaqat korxona hududi va uning atrofida, balki Karmana tumanida ham obodonlashtirish, ko‘kalamzorlashtirish hamda ekologik muhitni yaxshilashga qaratilgan keng ko‘lamli ishlar izchil davom ettirilmoqda.

🟢Xususan, “Uzumzor” MFY hududidan 22 gektar yer maydoni ajratilib, ayni paytda maydonni begona o‘tlardan tozalash, yerlarni ekishga tayyorlash, sug‘orish tizimini yo‘lga qo‘yish va obodonlashtirish bo‘yicha zarur chora-tadbirlar amalga oshirilyapti.

🟢Joriy yilgi kuz mavsumida ushbu maydonga 40 ming dona qayrag‘och ko‘chatini ekish rejalashtirilgan. Bu esa ekologik holatni yaxshilash, yashil maydonlarni kengaytirish, havoning tozaligini ta’minlash hamda aholi uchun yanada qulay va obod muhit yaratishga xizmat qiladi.

🟢Mazkur tashabbus “Yashil makon” umummilliy loyihasi doirasidagi ezgu sa’y-harakatlarning amaliy ifodasi bo‘lib, hududlarda yashil hududlarni ko‘paytirish va tabiatga ehtiyotkorona munosabatni shakllantirishga qaratilgani bilan ahamiyatlidir.