YAYLOV QISHLOG‘IDA ZAMONAVIY MAKTAB FILIALI FOYDALANISHGA TOPSHIRILDI

Asosiy > Yangiliklar > YAYLOV QISHLOG‘IDA ZAMONAVIY MAKTAB FILIALI FOYDALANISHGA TOPSHIRILDI

YAYLOV QISHLOG‘IDA ZAMONAVIY MAKTAB FILIALI FOYDALANISHGA TOPSHIRILDI

Xatirchi tumanining olis hududlaridan biri — “Qo‘rg‘ontepa” mahallasidagi Yaylov qishlog‘ida yangi va zamonaviy o‘quv binosi foydalanishga topshirildi.

Bundan bir necha oy avval 52-sonli umumiy o‘rta ta’lim maktabining hududdagi kichik filiali uchun “Navoiyazot” AJ bilan hamkorlikda yangi o‘quv binosi qurilishi boshlangan edi. Yangi o‘quv yilining ilk kunida yaylovlik o‘quvchilar zamonaviy va barcha zarur sharoitlarga ega yangi binoda ta’lim olishni boshladilar.

Yangi maktab binosining foydalanishga topshirilishi olis hudud aholisi uchun katta quvonchli voqea bo‘ldi. Tadbirda tuman hokimligi mutasaddilari, “Navoiyazot” AJ vakillari ishtirok etdilar.

Bunday ezgu tashabbus olis hududlarda ham ta’lim sifatini oshirish, o‘quvchilar uchun teng imkoniyatlar yaratish va yosh avlod kelajagiga mustahkam poydevor qo‘yishga xizmat qiladi.