YOSHLARNING TAKLIF VA MUROJAATLARI O‘RGANILDI

Asosiy > Yangiliklar > YOSHLARNING TAKLIF VA MUROJAATLARI O‘RGANILDI

YOSHLARNING TAKLIF VA MUROJAATLARI O‘RGANILDI

“Navoiyazot” AJ boshqaruvi raisining ishlab chiqarish, mahalliylashtirish, sanoat va axborot texnologiyalari sohasida kooperatsiya aloqalarini kengaytirish masalalari bo‘yicha birinchi o‘rinbosari Muhammadali Vafoyev Organik sintez va nitron tolasi ishlab chiqarish majmuasi yigit-qizlari bilan uchrashdi.

“Yoshlar kuni” munosabati bilan tashkil etilgan muloqotda korxonada mutaxassislarning ilmiy izlanishlarini qo‘llab-quvvatlash, ularning innovatsion takliflarini rag‘batlantirishga qaratilgan e’tibor haqida so‘z yuritildi. Korxonada xorijiy tillarni biladigan malakali xodimlarga bo‘lgan ehtiyoj yuqori ekanligi alohida e’tirof etildi.

Uchrashuv davomida yoshlar o‘z takliflarini bildirdilar, ularni qiziqtirgan savollarga javob berildi. Murojaatlar asosida kelgusida o‘tkaziladigan tadbirlarni tashkil etishga qaratilgan tashabbuslar ilgari surildi.