ZAMONAVIYLIK VA SAMARADORLIK SARI

Asosiy > Yangiliklar > ZAMONAVIYLIK VA SAMARADORLIK SARI

ZAMONAVIYLIK VA SAMARADORLIK SARI

Xitoyning “Chengdu Huaxin Sealing Co.,Ltd” kompaniyasi vakillari “Navoiyazot” AJga kelishdi. Korxonaning asosiy faoliyat doirasi sanoat va texnik ishlab chiqarish hamda savdo yoʻnalishlarini qamrab oladi. Ushbu quvvat umumiy loyihalar doirasida zichlagichlar, umumiy butlovchi qismlar, pnevmatik va gidravlik zichlagich elementlari hamda tizimlarini ishlab chiqarish va ularning savdosi bilan shugʻullanadi. Shuningdek, mexanik hamda metall qismlarga ishlov berish, ularni taʼmirlash va sotish, umumiy va maxsus uskunalar savdosi, tovarlar importi va eksportini amalga oshiradi.

Korxona rahbariyati bilan muloqot davomida hamkorlik istiqbollari xususida so‘z yuritildi. Mahalliy ishlab chiqarishni rivojlantirish va zamonaviy texnologiyalarni joriy etish masalalari muhokama qilindi. Tomonlar sifatli mahsulot tayyorlab, yetkazib berish jarayoniga ilg‘or yechimlarni tatbiq qilish orqali sanoat uskunalarining ishonchliligi va samaradorligini oshirish imkoniyatlarini ko‘rib chiqdilar.