KORXONADA BAYRAM SHUKUHI

Asosiy > Gender tengligi > KORXONADA BAYRAM SHUKUHI

KORXONADA BAYRAM SHUKUHI

Yurtimiz istiqlolining 35 yilligi munosabati bilan jamiyatning 3-sexida “Ayol qadri ulug‘langan yurt” nomli ma’naviy-ma’rifiy tadbir tashkil qilindi. Unda yurtimizda xotin-qizlarga ko‘rsatilayotgan yuksak e’tibor, g‘amxo‘rlik, ularning jamiyat hayotidagi o‘rni hamda mavqeini yanada yuksaltirish borasida amalga oshirilayotgan ishlar haqida so‘z yuritildi. Shuningdek, ayollarning oila va mehnat jamoasidagi faolligi, ularning jamiyat taraqqiyotiga qo‘shayotgan munosib hissasi alohida e’tirof etildi.

Yurtimizda tinchlik va osoyishtalik, oilaviy totuvlik, milliy qadriyatlarni ulug‘lash, istiqlol yillarida xotin-qizlar uchun yaratilgan imkoniyatlar, ularning mehnat va ijtimoiy hayotdagi faol ishtiroki haqida ma’lumotlar berildi. Ma’naviy-ma’rifiy tadbir badiiy chiqishlar, she’r va qo‘shiqlar bilan davom etib, barchaga ko‘tarinki kayfiyat bag‘ishladi.