SAMARALI MULOQOT TASHKIL ETILDI

Asosiy > Gender tengligi > SAMARALI MULOQOT TASHKIL ETILDI

SAMARALI MULOQOT TASHKIL ETILDI

Korxonaning Oila va xotin-qizlar xizmati vakillari tomonidan 23,25-sex xodimlari bilan uchrashuv oʻtkazildi. Jamoadagi ma’naviy-axloqiy muhitni sog‘lomlashtirish, oilaviy qadriyatlarni mustahkamlash, xotin-qizlar huquqlarini himoya qilish, ish intizomini ta’minlash hamda salbiy holatlarning oldini olish maqsadida uchrashuv oʻtkazildi.

Muloqot davomida xodimlar bilan ochiq muloqot olib borilib, ularning fikr-mulohazalari, taklif va muammolari tinglandi. Har bir masala atroflicha muhokama qilinib, mavjud muammolarni bartaraf etish yuzasidan tegishli tavsiyalar berildi.

Shuningdek, xotin-qizlarning jamoadagi o‘rni va faolligini oshirish, ularni qo‘llab-quvvatlash, oilada sog‘lom muhitni shakllantirish hamda farzandlar tarbiyasiga e’tibor qaratish masalalari yuzasidan tushuntirish ishlari olib borildi.

Uchrashuv yakunida bunday muloqotlarni muntazam tashkil etish, xodimlar bilan yaqin hamkorlikni davom ettirish zarurligi ta’kidlandi.