FARZAND TARBIYASI MASʼULIYATLI VAZIFA

Asosiy > Gender tengligi > FARZAND TARBIYASI MASʼULIYATLI VAZIFA

FARZAND TARBIYASI MASʼULIYATLI VAZIFA

Korxona xotin-qizlari bilan bolalar huquqlarini himoya qilishda ota-onalar masʼuliyatini oshirishga qaratilgan muloqot tashkil etildi. Uchrashuvda viloyat oila va xotin-qizlar boshqarmasi mutaxassisi, voyaga yetmaganlar masalalari boʻyicha inspektor, “Oqila ayollar” harakati aʼzosi, malakali psixologlar ishtirok etishdi.

Suhbat jarayonida oilaviy muhitning farzand tarbiyasiga taʼsiri, viloyatda kuzatilayotgan ajrim holatlarining sabablari, voyaga yetmaganlar bilan bogʻliq holat va huquqbuzarliklar tahlili, oʻsmirlarning ruhiy holati singari bir qator muhim mavzularda soʻz yuritildi.

Farzand tarbiyasiga eʼtiborli boʻlish, bolalarning boʻsh vaqtini mazmunli tashkil etish, qiziqishi, maqsadlari bilan oʻrtoqlashish borasida fikr-mulohazalar bildirildi. Tadbir ota-onalarning xushyorligini yanada oshirishga qaratilgani bilan ahamiyatli boʻldi.