KORXONA XOTIN-QIZLARINING FAOLLIGI E’TIROF ETILDI

Asosiy > Gender tengligi > KORXONA XOTIN-QIZLARINING FAOLLIGI E’TIROF ETILDI

KORXONA XOTIN-QIZLARINING FAOLLIGI E’TIROF ETILDI

Joriy yilning 13–17-fevral kunlari Toshkent shahrida o‘tkazilgan “Women in STEM” xalqaro ilmiy forumi “Innovator ayollar: ko‘plab ovoz — bitta kelajak” mavzusida tashkil etilib, uning asosiy maqsadi xotin-qizlarning fan, texnologiya, muhandislik va matematika (STEM) sohalaridagi ishtirokini kengaytirish, ularning ilmiy va innovatsion salohiyatini qo‘llab-quvvatlash hamda xalqaro ilmiy hamkorlikni mustahkamlashdan iborat bo‘ldi. Tadbir doirasida panel muhokamalari, ilmiy ma’ruzalar, mahorat darslari va taqdimotlar o‘tkazildi.

Forumda “Navoiyazot” AJ ayollari ham o‘z taklif va tashabbuslari bilan faol ishtirok etishib, Zulayxo Norqulova, Moxira Axatova, Shahnoza Rasulova, Sayyora Qosimova, Dilafro‘z Samatova hamda jamiyat boshqaruvi raisining Oila va xotin-qizlar masalalari bo‘yicha maslahatchisi Nasiba Sodiqovalar sertifikat bilan taqdirlandilar. Bu e’tirof ularning ilmiy izlanishlari va innovatsion g‘oyalarini qo‘llab-quvvatlash, kelgusidagi faoliyatiga yangi ruh hamda motivatsiya bag‘ishlashga xizmat qilаdi.