Previous Next

Zulayho Norqulova 2011-yilda korxonada muhandis-texnolog sifatida ish boshlagan. O‘tgan yillar davomida mehnat, sohaga bo‘lgan qiziqish va ma’suliyat soha vakilini sex boshlig‘i o‘rinbosari darajasiga kelishida muhim omillardan. Dastlabki kunlardanoq ishlab chiqarish muhiti kasb fidoyisidan bilim bilan birga tezkor qaror, aniqlik va katta mas’uliyatni talab qildi. Har bir ish kuni yangi tajribaga, har bir murakkab vazifa esa kasbiy o‘sish uchun navbatdagi bosqichga aylandi.

Yillar o‘tdi. Kechagi yosh muhandis-texnolog ishlab chiqarish jarayonlarining nozik jihatlarini puxta egallagan, mustaqil qaror qabul qila oladigan va jamoa ishonchini qozongan mutaxassis sifatida shakllandi. Mehnati mutaxassisni yangi marralarga olib chiqdi. Bugun Zulayho Norqulova sex boshlig‘i o‘rinbosari. Endi uning zimmasida faqat o‘z vazifasini bajarish emas, balki ish jarayonini muvofiqlashtirish, jamoa bilan bir maqsad sari harakat qilish va yosh mutaxassislarga to‘plagan tajribasini yetkazishdek mas’uliyat ham bor.

Haqiqiy kasbiy o‘sish bir kunda sodir bo‘lmaydi. U har kuni o‘z ishini kechagidan yaxshiroq bajarishga bo‘lgan intilishdan boshlanadi. Mas’ul xodimning “III-darajali kimyogar” ko‘krak nishoni bilan taqdirlanishi samarali mehnat qadrlanganidan nishona.