ISHDAGI MAS’ULIYAT — SAMARADORLIK GAROVI

Asosiy > Bizning Faxrimiz > ISHDAGI MAS’ULIYAT — SAMARADORLIK GAROVI

ISHDAGI MAS’ULIYAT — SAMARADORLIK GAROVI

Moddiy-texnik ta’minot jarayonlarining to‘g‘ri tashkil etilishi ishlab chiqarish korxonalarida faoliyat uzluksizligini ta’minlash, mavjud resurslardan samarali foydalanish va yuzaga kelishi mumkin bo‘lgan uzilishlarning oldini olishda muhim ahamiyat kasb etadi.

Korxonaning markazlashgan moddiy-texnik ta’minot bazasida 83 nafar xodim ishlaydi. Ular tomonidan jamiyatning ishlab chiqarish va xo‘jalik faoliyati uchun zarur bo‘lgan resurslarni qabul qilish, saqlash, hisobini yuritish hamda belgilangan tartibda tegishli bo‘linmalarga yetkazib berish vazifasi amalga oshiriladi. Shuningdek, ehtiyot qismlar, texnik jihozlar, xomashyo va boshqa zarur materiallarning o‘z vaqtida ajratilishi hamda ularning saqlanishi ta’minlanadi.

Jamoada mehnat qilayotgan mutaxassislar o‘z vazifalarini mas’uliyat va intizom bilan bajarib, korxonaning umumiy faoliyatiga munosib hissa qo‘shib kelishmoqda.