ATMOSFERA MONITORING STANSIYАLARINI O‘RNATISH DAVOM ETMOQDA

Asosiy > Yangiliklar > ATMOSFERA MONITORING STANSIYАLARINI O‘RNATISH DAVOM ETMOQDA

ATMOSFERA MONITORING STANSIYАLARINI O‘RNATISH DAVOM ETMOQDA

Navoiy viloyati va Karmana tumani hududlarida kuzatilayotgan changsimon tutun sabablarini o‘rganish bo‘yicha Xalq deputatlari viloyat Kengashi sessiyasida qabul qilingan qaror ijrosi doirasida amaliy ishlar olib borilmoqda.

Xalq deputatlari Navoiy viloyati Kengashining navbatdagi sessiyasida kiritilgan Navoiy shahri va uning atrofidagi hududlarda changsimon tutun sabablarini o‘rganish yakunlari to‘g‘risidagi masala yuzasidan “Yuksalish” harakati viloyat bo‘linmasi, O‘zbekiston Ekologik partiyasi viloyat Kengashi deputatlik guruhi va xalq deputatlari viloyat Kengashi deputatlarining takliflarini inobatga olib, “Navoiyazot”AJ atrofi shuningdek, Navoiy shahri va Karmana tumani hududlariga sertifikatlangan atmosfera havosi sifatini avtomatik monitoring qilish stansiyalari o‘rnatishni tashkil etish bo‘yicha sessiya qarori qabul qilingandi.

Bugungi kunda sessiya qarori ijrosini ta’minlash maqsadida “Navoiyazot”AJ tomonidan jamoatchilik vakillari ishtirokida stasionar postlarni o‘rnatish ishlari olib borilmoqda.