Hurmatli soha vakillari, aziz shifokorlar, hamshiralar, kichik tibbiyot xodimlari hamda sog‘lom turmush tarzini targ‘ib etuvchi barcha fidoyi kasb egalari!

Sizlarni tibbiyot xodimlari kuni munosabati bilan korxona jamoasi nomidan muborakbod etaman. 

Inson uchun qadrli bo‘lgan boylik salomatlikni asrash, bemorlarga shifo, umid va kuch bag‘ishlash yo‘lida tinmay mehnat qilayotgan siz azizlarimiz haqiqiy qahramonlarsiz. Har bir shifokorning qo‘lida hayot, har bir hamshiraning qalbida mehr, har bir tibbiyot xodimining yuragida insonparvarlik tuyg‘ulari bor. 

Bugungi kunda jamiyatga qarashli tibbiy sanitariya qismi hamda sanatoriy-profilaktoriyda o‘z ishining haqiqiy fidoyilari mehnat qiladi. Sizlarning yuksak mas’uliyat, sabr-toqat va mehr-oqibat bilan qilayotgan mehnatingiz jamiyatimiz xodimlari salomatligi,korxonamiz taraqqiyotining tayanchidir. 

Shu fursatdan foydalanib, tibbiyot sohasi rivojiga qo‘shgan katta hissangiz, kasbiy mahoratingiz, insonlarga bo‘lgan mehr-muruvvatingiz va sadoqatingiz uchun minnatdorchilik bildiraman.
Sizlarga mustahkam sog‘lik, tinch va farovon hayot, kasbiy faoliyatingizda yangi yutuqlar va zafarlar tilayman.

Bayramingiz muborak bo‘lsin, aziz tibbiyot xodimlari!

Farrux Samadov,
"Navoiyazot" AJ boshqaruvi raisi