BAYRAM TADBIRI TASHKIL ETILDI

Asosiy > Yangiliklar > BAYRAM TADBIRI TASHKIL ETILDI

BAYRAM TADBIRI TASHKIL ETILDI

Korxonaning faollar zalida yangi yilning kirib kelishi munosabati bilan bayram tadbiri bo‘lib o‘tdi. Jamiyat boshqaruvi raisi Farrux Samadov tantana ishtirokchilarini muborakbod etib, yakunlanayotgan yilda erishilgan natijalarda mehnatkash, fidoyi, mas’uliyatli xodimlarning samarali hissasi beqiyos ekanligini ta’kidladi.

Korxona rahbari 2026-yilda yanada shijoat bilan faoliyat yuritib, “Navoiyazot” AJning iqtisodiy barqarorligi, sifat, xaridorgirlik, kimyoviy mahsulot va mineral o‘g‘itlarning jahon bozoridagi o‘rnini yanada mustahkamlashga qaratilgan vazifalarni bajarishda kuch-quvvat tiladi.

Tadbir konsert dasturi bilan davom etdi. Diltortar taronalar, yurt tinchligi, istiqlolni tarannum etuvchi kuy-qo‘shiqlar qalblarga iftixor bag‘ishladi. San’atkorlar, raqs jamoalarining musiqiy chiqishlari tadbir ishtirokchilariga a’lo kayfiyat ulashdi.

O‘zbekiston davlat filarmoniyasi Navoiy viloyati bo‘linmasi xonanda va xoreografik jamoalari ishtirokida tashkil etilgan konsert dasturi barchani raqslarga chorladi.