Previous Next

Ish jarayoni, mahsulot sifati, texnologiyalar, boshqaruv tizimi, ochiqlik investor va hamkorlar uchun muhim. Biznes-tashrif xorijlik mehmonlarga nafaqat kimyo sanoatidagi yetakchi korxonaning imidji, balki katta jamoaning imkoniyatlarini ham ko‘rsatdi. Bugungi tadbir doirasida bo‘lib o‘tgan muloqot “Navoiyazot” AJ faoliyatiga oid ma’lumotlar taqdimoti, mehmonlarni qiziqtirgan savollarga javob berish, muzokaralar olib uchun qulay muhit yaratdi.

Mazkur uchrashuv mamlakatimizda olib borilayotgan ochiq iqtisodiy siyosat, sanoatni modernizatsiya qilish va xalqaro hamkorlikni mustahkamlash borasidagi izchil islohotlarning amaliy ifodasidir. Xususan, kimyo sanoatini rivojlantirish, eksport salohiyatini oshirish hamda yuqori qo‘shilgan qiymatga ega mahsulotlar ishlab chiqarishni kengaytirish davlat siyosatining ustuvor yo‘nalishlaridan biri sifatida belgilangan.

Shu nuqtai nazardan, “Navoiyazot” AJ negizida amalga oshirilayotgan loyihalar nafaqat korxonaning, balki butun tarmoqning raqobatbardoshligini oshirishga xizmat qilmoqda. Korxona tomonidan joriy etilayotgan innovatsion yechimlar, ekologik xavfsizlikka yo‘naltirilgan texnologiyalar hamda ilg‘or boshqaruv yondashuvlari xalqaro standartlarga mos ravishda rivojlanishni ta’minlamoqda.

Tadbir yakunida tomonlar o‘zaro hamkorlikni yanada kengaytirish, qo‘shma loyihalarni amalga oshirish va uzoq muddatli sheriklik aloqalarini mustahkamlash borasida o‘z fikrlarini bildirdilar. Bu esa o‘z navbatida mamlakatimiz iqtisodiyotiga investitsiyalarni jalb etish, yangi ish o‘rinlarini tashkil qilish va hududlar rivojiga qo‘shimcha turtki berishi bilan ahamiyatlidir.