BUNYODKORLAR MEHNATI E’TIROF ETILDI

Asosiy > Yangiliklar > BUNYODKORLAR MEHNATI E’TIROF ETILDI

BUNYODKORLAR MEHNATI E’TIROF ETILDI

Jamiyatning 120-sexida 180 nafar xodim faoliyat yuritadi. Qurilish, montaj, ta’mirlash sexining tajribali, fidoyi, kasbiga sodiq mehnatkashlari har oyda o‘rta hisobda 50-60 tacha buyurtma asosida bunyodkorlik ishlarini amalga oshiradilar.

Ishlab chiqarish majmualari, sexlardagi ta’mirlash ishlaridan tortib, yangi investitsion loyihalarni barpo etishgacha bo‘lgan barcha jarayonlarda quruvchilarning mashaqqatli va sharafli mehnati beqiyos.

O‘zbekiston Respublikasi qurilish sohasi xodimlari kuni munosabati bilan sex xodimlarining mehnati, ularning jamiyat rivojiga qo‘shayotgan ulkan hissasi e’tirof etildi. Har qanday mavsumda o‘z ishini mas’uliyat bilan bajarayotgan kasb egalari bayram bilan qutlandi va bir guruh bunyodkorlarga sovg‘alar topshirildi.

08.08.2025 y.