DOLZARB MASALALAR MUHOKAMASI VA MUROJAATLAR YECHIMI

Asosiy > Yangiliklar > DOLZARB MASALALAR MUHOKAMASI VA MUROJAATLAR YECHIMI

DOLZARB MASALALAR MUHOKAMASI VA MUROJAATLAR YECHIMI

Korxona boshqaruvi raisi Farrux Samadovning navbatdagi muloqoti 54-sex xodimlari bilan oʻtkazildi. Jamiyatning harbiylashtirilgan gazdan qutqaruv otryadi mutaxassislari bilan boʻlib oʻtgan samimiy uchrashuv kasb mas’uliyati va dolzarb vazifalar muhokamasiga bagʻishlandi.

Tadbir davomida soha vakillarining fidokorona mehnati mas’uliyatli ekanligi ta’kidlandi. Favqulodda holatlarning oldini olishda xodimlarning doimiy xushyorligi muhim ahamiyatga ega, deyildi uchrashuvda.

Shu bilan birga kasbiy mahoratni muntazam oshirib borish, profilaktik chora-tadbirlarni samarali tashkil etish boʻyicha qator vazifalar yuzasidan oʻzaro fikr almashildi.

Savol-javoblar dolzarb masalalar yechimiga xizmat qilgan boʻlsa, takliflar ish samaradorligini oshirishda muhim oʻrin tutdi.