DOLZARB MAVZULARGA BAG‘ISHLANGAN MULOQOT O‘TKAZILDI

Asosiy > Yangiliklar > DOLZARB MAVZULARGA BAG‘ISHLANGAN MULOQOT O‘TKAZILDI

DOLZARB MAVZULARGA BAG‘ISHLANGAN MULOQOT O‘TKAZILDI

Korxonada viloyat Ichki ishlar boshqarmasi xodimlari ishtirokida muloqot tashkil etildi. Unda kiberjinoyatchilik oqibatlari, xushyorlikni oshirish haqida so‘z yuritildi.

Kibermadaniyatni yuksaltirishga qaratilgan uchrashuvda bugungi kundagi firibgarlik turlari, jinoyatchilarning aldovlari, ijtimoiy tarmoqlardagi shaxsiy akkauntlarni himoyalash usullari, shubhali fayl, havola yoki qo‘ng‘iroqlarga javob bermaslik, onlayn savdoga taalluqli qoidalar, shaxsiy ma’lumot hamda SMS tasdiqlash kodlarini hech kimga bermaslik xususida batafsil ma’lumot berildi.

Shuningdek, diniy ekstremizm, terrorizm, radikalizm xavfi, yosh avlodni bunday vayronkor g‘oya va illatlardan himoyalashning dolzarbligiga ham e’tibor qaratildi. Tadbir ishtirokchilari o‘zlarini qiziqtirgan barcha savollarga javob olishdi.