EKOLOGIK BARQARORLIK — USTUVOR VAZIFA

Asosiy > Yangiliklar > EKOLOGIK BARQARORLIK — USTUVOR VAZIFA

EKOLOGIK BARQARORLIK — USTUVOR VAZIFA

“Navoiyazot”AJ tomonidan atrof-muhitni muhofaza qilish, havo tarkibi nazoratini olib borish, atmosferani ifloslantiruvchi manbalarni aniqlash, sanoat chiqindilari, gazlar tarkibi va konsentratsiyasini o‘rganish maqsadida Navoiy shahrining turli hududlariga 30 dona gazoanalizatorlar o‘rnatilmoqda.

Ayni paytda jamiyat mutaxassislari 8 ta manzilga ana shunday nazorat uskunalarini joylashtirdilar. Ular orqali havo tarkibidagi gazlarning miqdori, inson salomatligiga ta’siri, ifloslanish manbalari aniqlanadi. Bu esa Navoiy shahridagi sanoat, ishlab chiqarish korxonalarining qay darajada ekologik standartlarga rioya qilayotganini o‘rganish va amaliy chora-tadbirlar ko‘rishga xizmat qiladi.

Eslatib o‘tamiz, ekologik vaziyatni muntazam o‘rganish va tahlil etib borish uchun ushbu xayrli tashabbusga korxona mablag‘lari hisobidan 6 milliard so‘mdan ko‘proq mablag‘ yo‘naltirildi.