EKOLOGIK XAVFSIZLIKNI TA’MINLASH MUHIM VAZIFA

Asosiy > Yangiliklar > EKOLOGIK XAVFSIZLIKNI TA’MINLASH MUHIM VAZIFA

EKOLOGIK XAVFSIZLIKNI TA’MINLASH MUHIM VAZIFA

“Navoiyazot”AJ tomonidan ekologik xavfsizlikni ta’minlash, atmosfera havosini ifloslantiruvchi omillarni aniqlash, zararli gazlar miqdorini monitoring qilish maqsadida Navoiy shahri va Karmana tumani hududlarida ekologik postlar o‘rnatilmoqda.

Havo sifati nazorati uchun mo‘ljallangan bunday uskunalar gazlar konsentratsiyasi, harorat, namlik, chang miqdori va boshqa bir qator ko‘rsatkichlarni o‘lchaydi. Ular orqali ifloslanish darajasini aniqlash imkoni ortadi. Bunday tashabbus korxona rahbariyatining atrof-muhit muhofazasiga birinchi galdagi muhim ustuvor vazifa sifatida qarashi, atmosfera havosini ifloslantiruvchi omillarni aniqlash hamda havo sifatini yaxshilashga hissa qo‘shishda faol ekanligidan dalolat beradi.

Jarayonda O‘zbekiston ekologik partiyasi viloyat kengashi faollari ham ishtirok etib, xayrli maqsad yo‘lidagi ishlarni qo‘llab-quvvatlashmoqda.