ELEKTRON RETSEPT TIZIMIGA OID MULOQOT TASHKIL ETILDI

Asosiy > Yangiliklar > ELEKTRON RETSEPT TIZIMIGA OID MULOQOT TASHKIL ETILDI

ELEKTRON RETSEPT TIZIMIGA OID MULOQOT TASHKIL ETILDI

Ma’lumki, yurtimizda dori-darmonlar narxini o‘rganish, nazorat qilish, miqdori va qo‘llanilish muddatini avtomatik tahlil etish maqsadida elektron retsept tizimi joriy etilib, bosqichma-bosqich amaliyotga tatbiq qilinmoqda. Endilikda fuqaroning xarid qilgan dori vositalari avtomatik ravishda elektron tibbiy kartasiga kiritiladi, bu keyinchalik shifokor foydalanishi uchun qulaylik yaratadi. Xarid chog‘ida farmatsevtlar tomonidan QR kodli elektron hujjat so‘raladi.

Korxonaning tibbiy sanitariya qismi xodimlari ishtirokida o‘tkazilgan videokonferensaloqa tarzidagi muloqotda soha vakillariga tizim, uning afzalliklari haqida batafsil ma’lumot berildi. Shifokor va o‘rta tibbiyot xodimlari mavzuga oid o‘zlarini qiziqtirgan savollarga mutaxassislardan javob olishdi.