ENG YОSH MOHIR MUTAXASSISLAR TANLOVI KUCHLILARNI SARALADI

Asosiy > Yangiliklar > ENG YОSH MOHIR MUTAXASSISLAR TANLOVI KUCHLILARNI SARALADI

ENG YОSH MOHIR MUTAXASSISLAR TANLOVI KUCHLILARNI SARALADI

“Eng mohir yosh nazorat o‘lchov asbobi mutaxassisi” tanlovida korxonaning ishlab chiqarish majmualari va sexlarida faoliyat yuritayotgan 15 nafar xodim ishtirok etdi.

Qatnashchilar tanishtirish, savol-javob, amaliy mashg‘ulot shartlari bo‘yicha raqobatga kirishdilar. Dastlab soha vakillarining kasbga bo‘lgan qiziqishiga e’tibor qaratilgan bo‘lsa, ikkinchi shartda savollar orqali nazariy bilim sinovdan o‘tkazildi. Berilgan amaliy topshiriqlar mutaxassislarning kutilmagan vaziyatlarga qay darajada tayyorligi, o‘z yo‘nalishi bo‘yicha hamkasblari bilan bellasha olish mahoratini aniqlashga xizmat qildi.

Hakamlar hay’ati a’zolari barcha ishtirokchilarning faolligini e’tirof etib, yakuniy natijalarga ko‘ra, 3-o‘rinni 18-sexdan Bobur Tursunovga berishdi.

46-sex vakili Asilbek Ne’matillayevning kasbiy mahorati uning 2-o‘ringa munosibligini ko‘rsatdi.

Hamkasblaridan yuqori natija qayd etgan 46-sex mutaxassisi Shaxlo Ro‘ziyeva faxrli 1-o‘rin sohibiga aylandi.