FUQARO MUHOFAZASI BO‘YICHA O‘QUV MASHG‘ULOTLARI O‘TKAZILMOQDA

Asosiy > Yangiliklar > FUQARO MUHOFAZASI BO‘YICHA O‘QUV MASHG‘ULOTLARI O‘TKAZILMOQDA

FUQARO MUHOFAZASI BO‘YICHA O‘QUV MASHG‘ULOTLARI O‘TKAZILMOQDA

Viloyat IIB huzuridagi qo‘riqlash xizmati alohida batalyoni shaxsiy tarkibi fuqaro muhofazasi bo‘yicha o‘qitilmoqda. Mashg‘ulotlar davomida xodimlarga favqulodda vaziyatlarda to‘g‘ri harakat qilish, aholini xavfsiz hududlarga evakuatsiya qilish, birinchi tibbiy yordamni ko‘rsatish hamda yong‘in va tabiiy ofatlar paytida samarali choralar ko‘rish bo‘yicha nazariy bilimlar berilmoqda.

Shuningdek, o‘quv jarayonida zamonaviy qutqaruv vositalaridan foydalanish, aloqa va xabar berish tizimlarini to‘g‘ri ishlatish, jamoat tartibini saqlash bilan bir qatorda xodimlar xavfsizligini ta’minlash masalalariga alohida e’tibor qaratilmoqda. Bunday o‘quvlar shaxsiy tarkibning favqulodda vaziyatlarga tayyorgarligini oshirish, ularning kasbiy mahorati va mas’uliyatini yanada mustahkamlashga xizmat qiladi.