Hurmatli hamkasblar, qadrli korxona xodimlari!

Asosiy > Yangiliklar > Hurmatli hamkasblar, qadrli korxona xodimlari!

Hurmatli hamkasblar, qadrli korxona xodimlari!

Mamlakatimiz kimyo sanoatida “Dehqonobod kaliy zavodi”AJning oʻrni beqiyos. 2000 nafardan ortiq xodimning fidokorona mehnati tufayli korxona tomonidan ishlab chiqarilayotgan kaliy xlorid mahsuloti ichki va tashqi bozorda oʻz xaridorlariga ega boʻlib ulgurdi. 2010-yilning 22-avgustida ilk mahsulot qadoqlangan boʻlsa, 64 tonna kaliy xlorid dastlab “Navoiyazot”AJga yetkazib berilgan. Hozirga kelib jamiyatda ishlab chiqarilayotgan mahsulotning 40 ga yaqin mamlakatlarga eksport qilinayotgani korxona rahbariyatining sifat koʻrsatkichlariga qaratayotgan eʼtibori samarasidir. Bu jarayonda mehnatkash, kasbiga sodiq, malakali mutaxassislarning mehnatini alohida eʼtirof etish zarur.

Sizlarni bugungi muhim sana, “Dehqonobod kaliy zavodi”AJning 15 yilligi munosabati bilan “Navoiyazot”AJning koʻp ming sonli jamoasi nomidan samimiy muborakbod etaman. Farovon turmush, baxtli hayot, mehnatdagi muvaffaqiyatlar bilan har bir kuningiz mazmunli boʻlishini tilayman. Yurtimiz qishloq xoʻjaligi, kimyo sanoati rivojiga munosib hissa qoʻshishingizda kuch-quvvat, shijoat, kasbga muhabbat hamisha hamrohingiz boʻlsin!

Hurmat bilan,
“Navoiyazot”AJ boshqaruvi raisi Farrux Samadov