Hurmatli hamkasblar, qadrli soha fidoyilari!

Asosiy > Yangiliklar > Hurmatli hamkasblar, qadrli soha fidoyilari!

Hurmatli hamkasblar, qadrli soha fidoyilari!

Avtomobil transporti sohasida faoliyat yuritayotgan xodimlar mehnati jamiyatimiz iqtisodiyotining barqarorligiga munosib hissa bo‘lib qo‘shilmoqda. Ularning mas’uliyati va kasbga muhabbati mahsulotlarni o‘z vaqtida va xavfsiz yetkazish, sifatli transport xizmatini ko‘rsatishda muhim ahamiyat kasb etadi.

Bugungi kunda korxonamizda bu yo‘nalishda 329 nafar mutaxassis faoliyat yuritib, ularning 34 nafarini muhandis-texnik xodimlar tashkil etadi. Hozirda jamiyatda jami 168 ta avtotransport va maxsus texnika vositalari mavjud.

Joriy yilning o‘tgan 9 oyi davomida 35 ta transport vositalari xarid qilinib, bu maqsadga 27 234 664 000 so‘m mablag‘ yo‘naltirildi.

Aziz soha vakillari!

Sizlarni “Navoiyazot”AJ jamoasi nomidan kasb bayramingiz bilan muborakbod etaman. Har bir kuningiz faxr va shukrona bilan to‘lsin, mehnatingiz e’tirof va olqishga sazovor bo‘laversin! Sizlarga yurtimizning ravnaqi, xalqimizning farovonligi va korxonamiz taraqqiyoti yo‘lidagi faoliyatingizda yangi zafarlar tilayman. Oilangiz tinch, yo‘lingiz ravon, safaringiz bexatar bo‘lsin!