ISTE’MOLCHILAR HUQUQLARI HIMOYASI YO‘LIDA

Asosiy > Yangiliklar > ISTE’MOLCHILAR HUQUQLARI HIMOYASI YO‘LIDA

ISTE’MOLCHILAR HUQUQLARI HIMOYASI YO‘LIDA

Korxonada Butunjahon iste’molchilar huquqlarini himoya qilish kuni munosabati bilan muloqot tashkil etildi. Unda viloyat Iste’molchilar huquqlarini himoya qilish hududiy boshqarmasi hamda Navoiy shahar iste’molchilar huquqlarini himoya qilish jamiyati mutaxassislari tomonidan mas’ul xodimlarga mahsulot va xizmatlar sifatini ta’minlash, mehnat faoliyatida qonunchilik talablariga rioya etish masalalari tushuntirildi.

Shuningdek, tadbirda mahsulot va xizmatlar sifatini doimiy ravishda nazorat qilish, iste’molchilarning ishonchini mustahkamlash va ularning huquqlarini himoya qilish har bir xodimning mas’uliyatli vazifasi ekanligi qayd etildi.

Muloqot davomida Oʻzbekiston Respublikasining “Davlat xaridlari toʻgʻrisida”gi qonuni mazmun-mohiyati haqida ham so‘z bordi. Unda jarayonni amalga oshirishning asosiy prinsiplari belgilanganligi, ochiqlik va shaffoflik, adolatli raqobat, ishtirokchilar uchun teng sharoit yaratish, korrupsiyaga yoʻl qoʻymaslik va xarid jarayonlarining samaradorligini taʼminlash kabi tamoyillar muhim oʻrin tutishi ta’kidlandi.