JINOYATCHILIKKA QARSHI KURASH - HAMJIHATLIKDAGI VAZIFA

Asosiy > Yangiliklar > JINOYATCHILIKKA QARSHI KURASH - HAMJIHATLIKDAGI VAZIFA

JINOYATCHILIKKA QARSHI KURASH - HAMJIHATLIKDAGI VAZIFA

Korxonada Navoiy shahar prokurori, shahar IIB boshlig‘i ishtirokida jinoyatchilikka qarshi kurashishga bag‘ishlangan yig‘ilish bo‘lib o‘tdi. Unda jamiyat mutasaddilari, ishlab chiqarish majmualari, sex, xizmat, bo‘lim boshliqlari qatnashdilar.

Muloqotda Navoiy shahri hududida sodir etilayotgan jinoyatlar haqida ma’lumot berilib, ularni keltirib chiqarayotgan omillar tahlil etildi. Jinoyatga jazo muqarrarligini bila turib, o‘g‘irlik, firibgarlik, hatto fuqarolar joniga qasd qilish holatlarining kuzatilayotgani achinarli, deya ta’kidlandi yig‘ilishda.

Shuningdek, korxona hududida jinoyatchilikning oldini olish, ayniqsa bu jarayonda rahbarlik lavozimlarida ishlaydigan mutasaddilarning mas’uliyatini oshirish lozimligi qayd etildi. Mo‘may daromadga ega bo‘lish maqsadida noqonuniy ishlarga qo‘l urish fuqarolarning qonunchilikda belgilangan tartibda jinoiy javobgarlikka tortilishiga sabab bo‘lishi haqida so‘z yuritildi.