KORXONA VAKILLARI XALQARO KO‘RGAZMADA ISHTIROK ETISHMOQDA

Asosiy > Yangiliklar > KORXONA VAKILLARI XALQARO KO‘RGAZMADA ISHTIROK ETISHMOQDA

KORXONA VAKILLARI XALQARO KO‘RGAZMADA ISHTIROK ETISHMOQDA

“Navoiyazot” AJ vakillari Qozog‘istonning Almati shahrida 17-18-19-mart kunlari o‘tkazilayotgan “Central Asia Plast World” nomli xalqaro ko‘rgazmada ishtirok etishmoqda. 30 mamlakatdan 3200 nafardan ortiq kuzatuvchi qatnashayotgan nufuzli tadbir Qozog‘iston va butun Markaziy Osiyodagi plastmassa, polimer va kauchuk sanoati bo‘yicha eng muhim ko‘rgazmalardan biri hisoblanadi.

Tadbir doirasida ishlab chiqarish uskunalari, polimer xomashyolari, qayta ishlash texnologiyalari, qadoqlash yechimlari, yangi innovatsion loyihalar taqdim etilmoqda. Ilm-fan yutuqlari bilan tanishish, xorijiy hamkorlar safini kengaytirish, biznes aloqalarni kengaytirishga xizmat qiladigan tadbirda korxona faoliyati, unda ishlab chiqarilayotgan mahsulotlar haqida ma’lumot berilib, investor, xorijlik mutaxassislar bilan muloqotlar tashkil etilyapti.