MANFAATLI HAMKORLIK IQTISODIY SAMARADORLIK KAFOLATI

Asosiy > Yangiliklar > MANFAATLI HAMKORLIK IQTISODIY SAMARADORLIK KAFOLATI

MANFAATLI HAMKORLIK IQTISODIY SAMARADORLIK KAFOLATI

“Navoiyazot”AJ mutasaddi va mas’ul xodimlari xizmat safari bilan Xitoyda bo‘lib turishibdi. Kimyo korxonalari uchun uskunalar ishlab chiqaradigan va xizmatlar ko‘rsatadigan “Jiangsu ANCAN Technology Co., Ltd.” kompaniyasi vakillari bilan uchrashuv chog‘ida hamkorlik istiqbollari xususida muzokaralar olib borildi.

Muloqotda jamiyatning xlor, xlor mahsulotlari va kaustik soda ishlab chiqarish sexi uchun zarur bo‘lgan membranali elektroratsiya uskunalarini xarid qilish masalasi bo‘yicha o‘zaro fikr almashildi. Iqtisodiy samarador, ekologik jihatdan xavfsiz, kimyoviy reaksiyalarni aniq va toza olib borishda muhim ahamiyatga ega bo‘lgan texnologiya zamonaviy boshqaruv tizimlari bilan integratsiya qilinishi jihatidan ham e’tiborga molik.

Ikki tomonlama manfaatli kelishuv kelgusida korxonada mahsulot ishlab chiqarish hajmini oshirish, sifatini yanada yaxshilashga xizmat qiladi.