MOHIR YОSH CHILANGAR-TA’MIRLOVCHILAR TANLOVDA BELLASHDI

Asosiy > Yangiliklar > MOHIR YОSH CHILANGAR-TA’MIRLOVCHILAR TANLOVDA BELLASHDI

MOHIR YОSH CHILANGAR-TA’MIRLOVCHILAR TANLOVDA BELLASHDI

Jamiyat kasaba uyushma qo‘mitasi tashabbusi bilan “Eng mohir yosh chilangar-ta’mirlovchi” tanlovi bo‘lib o‘tdi. Unda korxonaning ishlab chiqarish majmualari va sexlarida faoliyat yuritayotgan 10 nafar mutaxassis ishtirok etdi.

Yuqori malakali, salohiyatli kadrlarni tayyorlash, ularni saralash, iqtidorini aniqlash, kasbiy ko‘nikma va malakasini oshirish hamda rag‘batlantirish maqsadida tashkil etilgan bellashuvda test sinovi orqali ishtirokchilarning nazariy bilimi sinovdan o‘tdi. Amaliy mashg‘ulotda esa soha vakillarining ish jarayonidagi malakasi baholandi.

Yakuniy natijalarga ko‘ra, 3-o‘rinni 88-sex xodimi Avaz Ernazarov egalladi.

2-o‘rin 911-sex vakili Javohirbek Qurbonovga nasib etdi.

1-o‘ringa 3/43-sexdan ishtirok etgan Ramazon Amonqulov munosib topildi.

918-sex mutaxassisi Rashid Nurov hamda 23-sex chilangar-ta’mirlovchisi Zohid Maxanovlar rag‘batlantiruvchi o‘rin sohibiga aylandilar.