MULOQOT – TASHABBUS UCHUN IMKON

Asosiy > Yangiliklar > MULOQOT – TASHABBUS UCHUN IMKON

MULOQOT – TASHABBUS UCHUN IMKON

Bugungi kunda korxonada 1200 nafardan ortiq 30 yoshgacha bo‘lgan xodimlar faoliyat yuritadi. Jamiyat boshqaruvi raisi Farrux Samadov hamda yoshlar vakillari bilan o‘tkazilgan uchrashuv mutaxassislarga qulaylik yaratish, ularning murojaatini tinglash, takliflarini o‘rganish, o‘zaro fikr almashishga xizmat qildi.

Samimiy ruhda o‘tgan muloqotda ishlab chiqarish jarayonini takomillashtirishga qaratilgan innovatsion yechimlar xususida so‘z yuritildi. Zamonaviy axborot kommunikatsiya texnologiyalari ta’minoti, laborator tahlillar samaradorligini oshirish, yoshlar orasida sexlararo hamkorlikni kuchaytirish, kitobxonlikni yanada keng targ‘ib etish, xorijda malaka oshirish singari bir qator yo‘nalishlar bo‘yicha savollar o‘rtaga tashlandi.

Uchrashuvda kelgusidagi muhim vazifalar belgilab olindi.