MULOQOT XUSHYORLIKNI OSHIRDI

Asosiy > Yangiliklar > MULOQOT XUSHYORLIKNI OSHIRDI

MULOQOT XUSHYORLIKNI OSHIRDI

Korxonaga qarashli tibbiy sanitariya qismida jamiyat komplayens-nazorat boshqarmasi mas’ul xodimlari ishtirokida korrupsiyaning oldini olish, manfaatlar to‘qnashuviga yo‘l qo‘ymaslik mavzulariga bag‘ishlangan muloqot o‘tkazildi.

Uchrashuvda soha vakillari tomonidan korxona xodimlariga tibbiy xizmat ko‘rsatish jarayonida pora olish yoki berish jarayonida ishtirok etishning salbiy oqibatlari haqida ma’lumot berildi. Korrupsiyaning turlari, bu illatga sabab bo‘luvchi omillar va ularni bartaraf etishga qaratilgan ishlar samaradorligini oshirish muhimligi qayd etildi.

Manfaatlar to‘qnashuvining ish jarayoniga salbiy ta’siri, oqibatlari haqida so‘z yuritildi. Muloqot jarayonida mavzuga oid savollar yuzasidan o‘zaro fikr almashildi.